Dy vitet e fund kanë pësuar një rënie të ndjeshme në kërkesat për punësim në administratën shqiptare.

Nga të dhënat e Departamentit të Administratës Publike, numri i aplikantëve që duan një punë me statusin e nëpunësit civil apo niveleve drejtuese është dy herë më i ulët në fund të 2017-s krahasuar me vitin 2015.

Para dy vitesh janë regjistruar 20 mijë persona që kanë aplikuar pranë këtij departamenti për të marrë një pozicion pune, ndërsa në 2017-n numri i tyre është 8600, ulje drastike e cila lidhet edhe me rënien e vendeve të shpallura.

Ndër shkaqet kryesore të kësaj uljeje të theksuar mund të themi se janë rryshfetet e larta që kërkohen për fitimin e vendit të punës, si edhe kërkimi i favoreve seksuale kryesisht ndaj gjinisë femërore siç janë skandalet në Drejtorinë Arsimore të qytetit të Lushnjes.

Madje ka edhe raste ku shumë punonjës vendosin të largohen vetë nga administrata publike dhe të kërkojnë punësimin në sektorin privat. Aktualisht ka 85 mijë punëkërkues në zyrat e punësimit, ndërsa para dy vitesh ky numër ishte 150 mijë./