Nga Specialistët e Interpol Tirana u krye ekstradimi nga Londra, Mbretëri e Bashkuar drejt vendit tonë, i Shpëtim Bushaj, vjeç 49, lindur në Fier.
Shpëtim Bushaj është shpallur në kërkim ndërkombëtar pasi Gjykata e Rrethit Gjyqësor Fier, nw vitin 2001, e ka dënuar këtë shtetas me 20 vite burg, për veprat penale “Vrasje me dashje“ dhe “Armëmbajtje pa leje”.
Përmbledhje e ngjarjes së ndodhur:
Më datë 13.03.1998 rreth orës 23:00 në qytetin e Patosit, Fier shtetasi Shpëtim Bushaj ka vrarë për motive të dobëta me armë zjarri ( automatik) shtetasin G.M.
Si rezultat i bashkëpunimit të Interpol Tirana me Interpol Manchesterin/ Mbretëri e Bashkuar, u bë i mundur arrestimi i tij në Angli, duke u finalizuar me ekstradimin e tij drejt vendit tonë.
