24 maji shënon ditën ndërkombëtare të parqeve. Shkodra, me gjithë hapat që ka ndërmarrë ende ka akoma për të bërë për ambjente relaksuese dhe çlodhese. Qytetarët më së shumti këtë e ndjejnë tek fëmijët, pasi për të plotësuar dëshirat e tyre argëtuese, ata thonë se detyrohen t’i dërgojne ne lokale, ku ka lojra.  Dje, në një prononcim për mediat, në kuadër të Ditës Ndërkombëtare të Parqeve, nënkryetari i Bashkisë Shkodër, z. Dritan Meta, së bashku me zv/ministren e Turizmit dhe Mjedit, znj. Ornela Çuçi, folën mbi rëndësinë e mbrotjes së mjedisit.  Ndërkohë z Meta ka listuar vendet e ndërhyjes që Bashkia Shkodër me bashkëpunëtorët ka bërë. Ai theksoi peshën specifike që ka ndërgjegjësimi dhe trajtimi i mjedisit me kujdes të veçantë edhe nga vetë qytetarët.

Dita Evropiane e Parqeve u promovua për herë të parë në vitin 1999, me qëllim rritjen e profilit të zonave të mbrojtura evropiane dhe gjenerimin e mbështetjes publike për qëllimet dhe punët e tyre. Kjo ditë festohet veçanërisht në qytetet e mëdha të Evropës, ku parqet shërbejnë si “mushkëritë e qytetit” si pasojë e përqëndrimit të lartë të trafikut, të industrisë dhe zhurmës.