Në kuadër të Festivalit Kombëtar të Teatrove, por edhe si protestë për politikën dhe deputetet që kërkojnë prishjen e Teatrit Kombëtar, aktorët shkodranë risjellin në skenën e Teatrit ”Migjeni” veprën klasike të At Gjergj Fishtës, “Gomari i Babatasit”. Pas suksesit që pati kjo shfaqje sezonin e kaluar, vjen për publikun shkodran si një perspektivë bashkëkohore nën kurimin dramaturgjik të Stefan Çapalikut dhe me regjinë e Altin Bashës. Vepra u botua në një situatë që përkonte me beteja të ashpra politike rreth formës që do të merrte organizimi i ardhshëm shtetëror i Shqipërisë. Tehu i sarkazmës fishtjane për politikanët, deputetët dhe zyrtarët është më i mprehtë se kurrë. Shfaqja do të vij për publikun më 23 shtator në orën 19:00 në Teatrin ”Migjeni”,Shkodër.

Në datën 29 shtator shfaqja do të jepej në sallën e Universitetit të Arteve, në kuadër të Festivalit Kombëtar të Teatrove. Shfaqja ishte planifikuar të jepej në TK, por në çastet e fundit u la për në Universitetin e Arteve.