Skulptori shqiptar Destan Gashi merr pjesë në dy ekspozita në Vjenë.  Ministri i Shtetit për Diasporën, Pandeli Majko thekson se, “Skulpturat e artistit shqiptar Destan Gashi janë ekspozuar në galerinë ”Heurigen Galerie C & M Plos” në Austri”.

Skulptura e Destan Gashit, me dy metra lartësi, e punuar prej mermeri të Karrarës me emrin “Drejtpeshim“ (Balance), është vendosur në qendër të kopshtit të galerisë

Një ekspozitë u hap më 21 shtator në Galeri Plos në Sooss të Badenit në Austri, me 16 skulptura të mëdha, të gdhendura në mermerë të ndryshëm.

Ekspozita do të qëndrojë e hapur prej 21 shtatorit deri më 7 tetor 2018 në Heurigen Galerie C & M Plos.

Gjithashtu, më 28 dhe 29 shtator 2018, Galeria Wohlleb në Vjenë ka ftuar Destan Gashin për të marrë pjesë me 8 skulptura të tij në hapësirën e galerisë.