“Tag” përfundoi rrugëtimin e tij duke lënë pas jehonën e duartrokitjeve të publikut në ”arTurbina”.

Për 18 netë radhazi, publiku shijoj interpretimin e aktorëve Olta Daku,Gert Ferra, Indrit Çobani, Adelina Muca, Mehdi Malka, Sokol Angjeli, Ardian Cerga, Erjona Kakeli, Besmir Bitraku, Artan Imami, Genti Deçka dhe Raimonda Bulku.

Penës së Bashkim Hoxhës, regjisoria Andia Xhunga i dha jetë duke sjellë në skenë përmes komedisë një fenomen aktual siç është ai i rrjeteve sociale.

Shfaqja kishte në thelb rutinën e një fshati të largët do ta gjallërojë ardhja e papritur e një vizitori nga qyteti. Pas një keqkuptimi të lindur në facebook, jeta e tij dhe e gjithë banorëve të fshatit do të marrë një kuptim tjetër.

Nga vetë titulli, “Tag”, kuptohet që vepra lidhet me rrjetet sociale, të cilat janë kthyer në një virus, pse jo edhe shkatërrues për shoqërinë.

Dramaturgu nxitet nga një shqetësim i së përditshmes për të ndërtuar një vepër, e cila nuk të bën vetëm të qeshësh me situatat e krijuara prej ngatërresave e krijuara pikërisht nga komunikimi virtual mes njerëzve, por edhe të reflektosh mbi largësinë shpirtërore që kanë mbjellë rrjetet sociale.

Në mënyrë ironike, autori i ka vendosur ngjarjet në një fshat, i cili i ka harruar të gjitha punët dhe është zhytur në “Facebook”.