Ka mbetur edhe një muaj para se të zhvillohen tre netët finale të kompeticionit më të rëndësishëm muzikor europian, “Eurovizionit”. Por përpara se të zhvillohen këto netë, pjesëmarrësit zhvillojnë koncerte seri në disa shtete kryesore. Këtë fundjavë koncerti u zhvillua në Hollandë dhe sipas sondazheve paraprake kënga “Mall” që do përfaqësojë Shqipërinë në Eurovizion është një nga suprizat.
Sipas disa klasifikimeve momentale nga sondazhet e deritanishme, “Mall” e Eugen Bushpepës është renditur në Top 5 më të mirë, duke i dhënë një mundësi Shqipërisë drejt rrëmbimit të çmimit të madh.
Mediat gjithashtu e kanë cilësuar performancën e Bushpepës si një prej surprizave të natës, ndërsa kanë shtuar se duhet të jetë një ndër këngët e para që duhen zgjedhur drejt finales.
“Surpriza më e madhe e natës ishte nga Shqipëria. Performanca e Eugent Bushpepës me këngën ‘Mall’ shkoi shumë mirë dhe u prit shumë mirë nga publiku i Amsterdamit. Ishte një nga këngët e para që duhej të zgjidhej,” shkruajtën mediat e huaja.
