Shyqyri Sadiku, kryetar i Sindikatës së Pavarur të Punëtorëve të “Trepçë”-s, ka konfirmuar për gazetën “Epoka e re” ndërprerjen e grevës së minatorëve.

Ai ka bërë me dije se greva do të vazhdojë sërish të martën

“Greva nuk është ndërprerë por do të vazhdohet  të martën. Nga informacionet që kam edhe minatorët e Artanës kanë hyrë në grevë. Ndërprerja u bë për shkak se është vikend dhe të hënën është festë”, ka deklaruar ai.

Sadiku ka paralajmëruar masa më radikale nëse nuk plotësohen kërkesat e tyre.

“Jemi në diskutime më këshillin grevistë dhe do të marrim masa dhe më radikale nëse nuk plotësohen kërkesat tona”, ka thënë Sadiku, duke mos treguar se për çfarë masash bëhet fjalë.