Kandidatja e LDK-së për kryeministre, Vjosa Osmani, ka mbyllur takimet e saj me krerë të shtetit amerikanë e personalitete të shquara në Uashington.
Osmani sot është takuar me ish-sekretaren e Shtetit dhe miken e Kosovës, Madeleine Albright.
“Nder i veçantë të përfundojë vizitën time në SHBA me një takim shumë të përzemërt me ish-Sekretaren e Shtetit, znj.Madeline Albright, e cila përveç që u shndërrua në shpëtimtaren tonë në kohët më të rënda, po ashtu ka frymëzuar shumë gra anekënd globit që mos të dorëzohen kurrë para sfidave që dalin përpara.”, ka shkruar Osmani.
Ditë më parë Osmani ka takuar edhe Matthew Palmer, senatorin Ron Johnson, e zyrtarë të lartë të Shtëpisë së Bardhë.
