Sipas kreut të LDK-së Isa Mustafa, Lëvizja Vetëvendosje si fituese e zgjedhjeve të 6 tetorit, duhet ta shfrytëzojë mundësinë e formimit të Qeverisë dhe ti japë Kosovës institucionet e reja.

“Qeveria mund të bëhet sepse kemi arrit shumë afër, por presim që partia që ka dalë e parë ta pranojë zgjidhjen që ne e kemi ofruar, që e konsiderojmë zgjidhje të balancuar dhe nuk shohim asnjë arsye që të hymë në një kënd që se njohim të formimit të institucioneve” ka thënë Mustafa para medieve.

“Në këtë Qeveri LDK do të jetë shumë e përkushtuar që të japë kontributin e saj që ajo të jetë unike dhe ta ushtrojë detyrën që i takon”.

“Takime [me Kurtin] nuk kemi pasë të veçanta përpos sot në takimin me Josep Borrell. Nuk kemi biseduar për këtë. Nuk kam arsye të insistojë te Kurti se a po pajtohet ose jo sepse Vetëvendosje është parti që e konsiderojmë më serioze dhe që i merr vendimet vetë”.