Një tjetër paralajmërim vjen nga Serbia, ndërsa kjo e fundit ka deklaruar se treni me parulla prokative ndaj Kosovës mund të riniset shumë shpejt. Mësohet se parullat me mbishkrimin “Kosova është Serbi” në këtë tren kanë kushtuar 498 mijë dinarë (rreth 4.000 euro).

Ky fakt u ë i ditur nga Dushan Kozarev, zëvendësdrejtor në të ashtuquajturën zyrën për Kosovën në qeverinë e Serbisë.

“Të gjitha punët dekorative për trenin “Kosova është Serbi”, që është dashur të qarkullonte në relacionin Beograd – Mitrovicë, kanë kushtuar 498 mijë dinarë (rreth 4.000 euro).

Por ky çmim është i vogël krahasuar me atë se çka do të simbolizonte ky tren për shtetin serb. "Fakti që ai mesazh nuk mund t’i pëlqejë dikujt, nuk do të thotë që ne nuk do ta përsërisim atë… Kosova për të gjithë ne është zemra e Serbisë”,- deklaroi Kozarev duke raportuar për punën e Zyrës për Kosovën në vitin 2017, përcjell "b92".

Kujtojmë se treni me mbishkrimet në 21 gjuhë “Kosova është Serbi”, më 14 janar 2017 ishte nisur nga Beogradi për në Kosovë.

Pas paralajmërimeve nga Qeveria e Kosovës se atij nuk do t’i lejohej hyrja në territorin e saj, treni u ndalua në stacionin e ne fundit afërt kufirit me Kosovën, në Rashkë dhe ishte kthyer në Beograd.