Afganistani goditet sërish nga një sulm kamikaz ku nga shpërthimi i një kamioni-bombë mbetën të vrarë tetë ushtarë dhe mbi dhjetë të tjerë u plagosën. Ngjarja ndodhi pranë një baze ushtarake në jug të Afganistanit. nga shpërthimi i një kamioni-bombë.
Një zëdhënës i qeverisë lokale konfirmoi numrin e të vdekurve për Zërin e Amerikës dhe tha se sulmi u krye sot në mëngjes në komunën e trazuar Nad Ali të provincës së Helmandit.
Talebanët morën përgjegjësinë për shpërthimin. Një zëdhënës i tyre tha se nga shpërthimi mbetën mbi 100 ushtarë të vdekur e të plagosur, por shifrat e dhëna nga talebanët janë shpesh të fryra.
