Nga Kastriot Dervishi

Në vitet 1947-1951, me ndërprerje, anash kënetës së Maliqit funksionuan kampet e Vloçishtit, Orman-Pojanit dhe Nizhavecit (Vreshtasit). Nga të burgosurit vuajtës që mundën të mbijetojnë, përshkruhen si kampet më të tmerrshme të diktaturës, me mundime të shumta. Pasqyroj sot një ngjarje sipas dokumenteve. Është një njoftim vdekjeje për një të dënuar nga Prokuroria Publike e qytetit të Korçës e datës 27.8.1948. I dënuari, duke mos duruar dot kushtet e punës në kampin e Vloçishtit, i cili ka funksionuar për tharjen e kënetës së Maliqit pjesërisht në vitet 1947-1948, është vetëvarur më 26.8.1948. Ja njoftimi për varrimin e tij dhe premtimi, i cili sigurisht nuk është mbajtur. Përgjigja është dhënë në atë formë sepse sapo kishte nisur fryma antikoçixoxe. Në raste të tjera nuk jepeshin përgjigje të këtij lloji.