1943/Aksioni arratisjes nga burgu i filmit “Njësiti gueril”, emrat e panjohur

Hënë, 29 Prill 2019 10:54

Nga Kastriot Dervishi

Në murin lindor të Drejtorisë së Përgjithshme të Arkivave në Tiranë qëndron prej vitesh një pllakë përkujtimore e vjetër, së cilës agjentët atmosferikë ia kanë hequr ngjyrën e yllit të kuq komunist. Në të shkruhet:

“Më 29.4.1943, me anën të një veprimi të kombinuar, midis të burgosurve politikë dhe çetave të Pezës, të Dajtit e të njësitit gueril të Tiranës, dolën nga burgu fashist 26 veta, të cilët u rreshtuan në radhët partizane”.

Për këtë ngjarje është realizuar filmi “Njësiti guerril”. Emrat sigurisht të panjohur sepse historia e Partisë Komuniste nuk ka emra. Nga të burgosurit, Elami Nimani, Koçi Xoxe dhe Llambi Vullkani ishin themelues të PKSH-së. Pas lufte, Niazi Islami u vetëvra (ka dyshime se u vra), ndërsa Koçi Xoxe dhe Petro Bullati u pushkatuan me vendim gjykate. Le të shohim nga ballafaqimi me dokumentet.

Drejtoria e Përgjithshme e Policisë shpall në kërkim 25 personat. Lista e të burgosurve me korrekte të gabimeve të emrave është kjo:

1-Avram Teodor Koja, nga Tirana

2-Sejdin Avdia, nga Mitrovica

3-Niazi Islami, nga Salaria

4-Elami Shyqyri Nimani, nga Gjakova

5-Hajdar Rushit Dushi, nga Tirana (?)

6-Nuri Huta, nga Tirana

7-Selim Alimerko, nga Tragjasi

8-Ali Ahmet Demi, nga Filati

9-Mehmet Ali Shehu, nga Borshi

10-Niazi Rustem Demi, nga Filati

11-Lefter Andrea Kasneci, nga Vunoi