Nga Kastriot Dervishi

Tërmeti i 15 prillit1979 ishte ndër më të fortët në vend. Edhe këtë rast, propaganda e regjimit nuk mund të linte pa e përdorur. Në histori është shënuar një pranim në radhët e PPSH-së të një fatkeqeje. E ndjera Liza Nikollë Gjini (1959-1979), nga Gomsiqja e Lezhës humbi jetën në mënyrë tragjike teksa po hapte dyert e stallave gjatë tërmetit. Pasi marrëdhëniet me Kinën ishin prishur, ajo nuk u shpall heroinë, por partia e pranoi në radhët e saj pas vdekjes, si të rënë “në mbrojtje të pronës socialiste. Praktika e këtij rasti paraqitet në shkresat bashkëlidhur. Propaganda ishte gjithnjë në plan të parë.