Nëse Lekë Pervizi ka meritën se na ka dhënë imazhet e Kampit të Internimit të Tepelenës, Musa Çapani nëpërmjet një albumi të botuar në vitin 2017 nga ISKK ka meritën se na ka dhënë imazhet e kampeve të tjera të panjohura. Kampi në fjalë ekzistoi në vitet 1948-1953. Përkohësisht në vitin 1952 ai u zhvendos edhe në Cërrik. Në të ishin vendosur familjet më të mira nga jugu i Shqipërisë. Edhe këtu kishte shumë fëmijë. Në vizatimin e bërë nga z.Musa shihet momenti i ndarjes së atij pak ushqimi në kamp.
Kampi nr.3 e më pas nr.5 në Valis (para se të përfundojë te fabrikave të tullave), sipas z.Musa kanë qenë të shpërndara kështu:
-Kampi i “Mesit”, Valias, u sistemuan familjet e para që erdhën nga Kruja. Ishte një hangar për makineritë bujqësore dhe për kuajt. Kolonat prej tulle. Dërrasë.
-Kampi poshtë (te kthesa e Valiasit). Tre baraka. Një për komandën. Rrethim i rregullt tela me gjemba.
-Kampi lart, afër kodrës së Dakos. Dy baraka.
-Kampi te kodra e beut Paskuqan.
