Përfundimisht, Durrësi humbi rëndësinë që kishte si kryeqytet kur qeveria e atjeshme dorëzoi gjithë dokumentet e saj te qeveria e Tiranës. Qeveria e Durrësit që kryesohej nga Turhan Përmeti, nuk bëri kurrfarë qëndrese, pranoi dorëzimin e pushtetit.

Me vendimin nr.23, datë 21.2.1920 Këshilli i Ministrave vendosi që të shkonte në Durrës një komision për të marrë në dorëzim aktet e qeverisë, i përbërë nga:

-Ndoc Çoba-ministër i Financave

-Sulejman Starova-këshilltar i Ministrisë së Financave

-Rauf Fico-këshilltar i Ministrisë së Punëve të Brendshme

-Abdurrahman Gur-këshilltar i Ministrisë së Drejtësisë

-Idhomen Kosturi-drejtori i përgjithshëm i Postë-Telegrafëve

-Ali Fehmi Kostuti-prefekt i Durrësit

-Xhemal efendiu (mundet “Rruga” sepse figuron në akte të tjera)-sekretar

Gjeneralit italian të Durrësit, iu drejtua edhe një letër nga qeveria, ku njoftohej veprimi i urdhëruar për marrjen në dorëzim të dokumenteve.

Mbledhja u drejtuar nga zëvendësisht kryeministri Eshref Frashëri, me pjesëmarrjen e ministrave Hoxha Kadri, Ndoc Çoba, Ahmet Zogu, Sotir Peci.