Nga Kastriot Dervishi

Plenumet e komiteteve të Partisë së Punës së rretheve ishin “parlamentet” vendorë të partisë. Përbërja arsimore e kulturore e anëtarëve të tyre tregon edhe nivelin e vetë partisë, si dhe kushtet në të cilat është gjendur vendimmarrja. Në vitin 1955, në përbërje të plenumeve të rretheve kishte vetëm 3 persona me arsim të lartë në gjithë Shqipërinë. Shumica e anëtarëve i takojnë arsimit fillor me 4 klasë. Ndërsa arsimit unik quhej ai me 7 klasë. Partia e Punës rrënjë të vet ka pasur injorancën. Triumfi i saj në pushtet pikësëpari ka qenë fitore e injorancës mbi inteligjencien. Edhe në vitet vijuese ajo mbizotërohej nga niveli fshatar dhe ai i pashkollë. Mbi këtë kërcell është ngritur e forcuar. Në vitin 1955 ishin gjithsej 529 anëtarë të plenumeve për 26 rretheve (23 punëtorë, 369 fshatarë dhe 136 të ndryshëm). Këta duhet të ishin elita e partisë. Niveli i tyre arsimor ishte i mëposhtmi:

Nga këto 10% e përbënin komunistët e viteve 1941-1942 dhe 47% ata të viteve 1943-1944. Përbërja arsimore:

-0.9% analfabetë (5 vetë)

-6.6% gjysmë analfabetë (35 vetë)

-62.3% fillor (330 vetë)

-7.1% unik (38 vetë)

-22.3% të mesëm (117 vetë)

-0.5% të lartë (3 vetë)