Në Brindisi mbërriti një anije me emigrantë. Ajo ishte nisur nga Vlora. Njoftimi zyrtar që gjendet në komunikatën operative nr.46, datë 25.2.1991 të MPB-së ka këtë përmbajtje:
“Më datën 25.2.1991, anija e peshkimit “Mitat Dauti” me ekuipazhet e anijeve të tjera që ishin në molo, realizoi kalimin e paligjshëm të kufirit për në Itali. Ushtarët hapën zjarr në ajër për të ndaluar personat e tjerë. Mjetet e BUD-it (Baza Ushtarake Detare-shënim) nuk e lejuan nga ana e komandës së flotës për të vepruar”.
