Një pritje madhështore i ka dedikuar lideri Koreanoverior vizitës së homologut të tij nga Jugu, në Korenë komuniste.

Diktatori i Koresë së Veriut, Kim Jong-un, ka rënë dakord të mbyllë një nga testet kryesore të raketave. Lajmi është bërë i ditur nga Presidenti i Koresë së Jugut, Moon Jae-in pas takimit në Phenian.

BBC raporton se, dy liderët ranë dakord për të arritur denuklearizimin. Marrëveshja u përshkrua nga Kim si një “hap përpara” drejt paqes ushtarake në gadishull.

Kim tha gjithashtu se shpresonte të “vizitojë Seulin në të ardhmen e afërt” . Ai do të ishte udhëheqësi i parë i Koresë së Veriut për ta bërë këtë.

Fokusi kryesor i samitit ishte çështja e denuklearizimit. Ndërsa SHBA dhe Koreja e Veriut në terma të gjerë kanë rënë dakord të punojnë drejt këtij qëllimi, negociatat kanë ngecur. Tani, Pheniani ka kërkuar të rikonfirmojë angazhimin e saj.

Moon tha se Kim kishte “rënë dakord të mbyllë përgjithmonë testin e raketave të raketave Tongchang-ri dhe objektin e nisjes së raketave” dhe, në mënyrë kritike, se kjo do të bëhet “në praninë e ekspertëve nga vendet përkatëse” të cilët mund të verifikonin se nuk ishte më operacional.