Presidenti i Maqedonisë, Gjorge Ivanov gjatë takimit me Diasporën e Bashkuar të Maqedonisë në Detroit të SHBA-së ka bërë të ditur se nuk do të votojë në referendumin e 30 shtatorit.

“Dy herë kam fituar besimin e qytetarëve për të mos lejuar ndryshime të Kushtetutës, me qëllim ndryshimin e emrit kushtetues, kam fituar besimin që të mos pranoj idetë dhe sugjerimet që rrezikojnë identitetin kombëtar, të veçantën e kombit maqedonas, gjuhën maqedonase dhe modelin e Maqedonisë për bashkëjetesë. Unë nuk heq dorë nga premtimi im. Prandaj, më 30 shtator, nuk do të dal për votim, porositi presidenti Gjorge Ivanov nga Detroiti”, njoftojnë nga Zyra e Presidentit.
Ivanov theksoi se në bazë të nenit 7, paragrafi 3 për referendum, askush nuk mund të thirret për të mbajtur përgjegjësi për votim gjegjësisht mos votim në referendum, apo duke mos votuar në një referendum, transmeton KP.
Çdo qytetar, tha Ivanov, ka të drejtën të vendosë se si do të veprojë në referendum, të dalë të votojë, ose, të mos dalë dhe të bojkotojë.