Në seancën e mbajtur ditën e premte, Qeveria e Federatës së Bosnje dhe Herzegovinës (BiH) ka pranuar kërkesën për legalizimin e martesave brenda të njëjtit seks.

Kjo lëvizje e qeverisë është përgëzuar nga grupi advokues për të drejtat LGBTI “Sarajevo Open Centre”, i cila ka ofruar asistencë për qeverinë në mënyrë që të miratohen ndryshimet e nevojshme.

Tema ishte në agjendë dhe u miratua në formën e propozuar – konfirmuar nga Kryeministri, Fadil Novalic.

Ai tha se FBiH po ndjek rrugën e Bashkimit Evropian:

 Ne jemi në rrugën drejt BE-së. Çdo gjë që ne hasim në rrugën e anëtarësimit ne do të interpretojmë si nevojë.”

Me propozimin e Ministrisë Federale të Drejtësisë, Qeveria Federale do të emërojë një grup punues për të analizuar rregullat sipas të cilave çiftet e të njëjtit seks nga komuniteti mund të ushtrojnë të drejtat që rrjedhin nga Konventa Evropiane për Mbrojtjen e të Drejtave të Njeriut dhe Liritë Themelore.