Shefi i OKB-së Antonio Guterres njoftoi të enjten një seri përparimesh në bisedimet me rivalët në konfliktin e Jemenit, duke përfshirë një armëpushim për një port vital.

Në një gjest shumë simbolik në ditën e shtatë dhe të fundit të bisedimeve të paqes të ndërmjetësuar nga OKB në Suedi, Ministri i Jashtëm i Jemenit, Khaled al-Yamani dhe negociatori rebel Mohammed Abdelsalam shtrënguan duart për të dëgjuar duartrokitje të forta.

Megjithatë, një numër çështjesh mbeten të pazgjidhura dhe një raund i ri bisedimesh do të zhvillohet në fund të janarit, tha Guterres.

Konflikti ka shkaktuar atë që OKB e quan krizën më të madhe humanitare në botë, me 14 milionë jemenas tani në prag të urisë.

Guterres, i cili fluturoi në Suedi të mërkurën vonë, njoftoi se qeveria dhe rebelët Huthi kishin rënë dakord për një armëpushim në portin e Hodeidës, pika kryesore e hyrjes për ushqimin dhe ndihmën e importuar.

“Ka një armëpushim të deklaruar për të gjithë qytetin e Hodeidës dhe do të ketë një tërheqje të të gjitha forcave si nga qyteti ashtu edhe nga porti “, u tha ai gazetarëve.