Kongresmeni amerikan, Glenn Grothman ka kritikuar ashpër Shërbimin Sekret pas atentatit të dështuar ndaj ish-presidentit Donald Trump.

Grothman tha se shumica dërrmuese e medias në SHBA nuk është e paanshme, por është e majtë dhe përdor një retorikë ndezëse të panevojshme. 

“Pra, nëse një i ri, një 20-vjeçar do të lexonte gjëra të tilla, nuk më habit fakti që ai mund të mendojë ‘oh zot, më mirë të qëlloj Donald Trump, Adolf Hitleri i ardhshëm është gati të marrë përsipër Shtetet e Bashkuara’,” tha Grothman.

I pyetur për rolin e Shërbimit Sekret dhe kritikat që ka marrë që nga e shtuna, kryetari i nënkomitetit për sigurinë kombëtare thotë se nuk e kupton pse çatitë e ndërtesave rreth tubimit të Trump nuk po monitoroheshin.

Ai më pas shton se drejtoresha aktuale i shërbimit sekret është "majtiste e panevojshme".

Sipas tij, Kimberly Cheatle “shpenzon shumë kohë për të marrë aq shumë gra në shërbimin sekret sa më shumë që të jetë e mundur, në vend që të kalojë kohën duke u siguruar që po bëjnë një punë e mirë”.