Teksa në Shqipëri prerja pa kriter e pyjeve për përdorim të lëndës drusore në interesa të pushtetarëve nuk ka gjetur ende zgjidhje, në botë vjen një shembull mjaft interesant, si për të na treguar se si funksiono ligji në vende të tjera.

Një biznesmen milioner, i cili preu ilegalisht 11 pemë për ta bërë kopshtin e tij të pasmë më të madh, është dërguar në gjykatë. David Mattheës, 67 vjeç, injoroi urdhëresat për ruajtjen e pemëve (TPO) të bëra nga Këshilli i Poole në vendin e tij. Ai i preu pemët brutalisht me një sharrë.

Mostrat, të cilat përfshinin një lis, ah dhe gështenja e ëmbël, ishin të gjitha afër shtëpisë së madhe me pesë dhoma gjumi të z. Mattheës në Dorset. Mattheës, i cili drejton një biznes metalesh, besohet të ketë hequr pemët gjatë fundjavës për të ndihmuar në krijimin e hapësirës më të madhe në natyrë dhe përmirësimin e ndriçimit natyror të shtëpisë së tij.

Një fqinj raportoi veprat penale në këshillin lokal të hënën në mëngjes pas prerjes së pemëve. Disa nga pemët thuhet të jenë midis 80 dhe 100 vjeç.