Ajo kishte shkuar për të bërë pushime në një nga zonat më të bukura të jugut të Italisë, në Sorrento.

Por një britanike kaloi tmerrin e jetës, pasi u përdhunua nga të paktën dhjetë punonjës të një hoteli.

Pasi e droguan, atë e përdhunuan në grup.

Ngjarja ka ndodhur dy vjet më parë, por vetëm tani policia ka mundur të identifikojë dhe të arrestojë pesë nga autorët e krimit të rëndë.

Britanikja 50-vjeçare kishte shkuar për të pushuar me të bijën e saj. Dy nga baristët e ftuan për një pije dhe i hodhën aty drogë. Ajo piu dhe humbi ndjenjat.

Më pas e dërguan në një dhomë pranë pishinës, ku e përdhunuan në grup.

Fotot e saj të zhveshur ia dërguan njëri-tjetrit në një grup bisedash me emër: Zakone të këqija.

Britanikja bëri padinë kur u kthye në vendin e saj. Ajo nuk mbante mend mirë, por e kishte trupin me shenja.

Nuk dihet nëse e bija e saj është droguar apo jo. Policia thotë se ajo nuk është përdhunuar.