Kemi parë këto ditë debatin e nxehtë për çështjen e Teatrit Kombëtar dhe revoltën e elitës artistike të kombit kundër kësaj qeverie.

Por ajo është vënë re më së shumti është roli prej protagonisti që ka mëtuar të marrë kryetari i Bashkisë së Tiranës, Erion Veliaj.

Z. Veliaj harron se praktikisht ai nuk ka asnjë lidhje me Teatrin Kombëtar, për sa i përket kompetencave si kryebashkiak.

Por në të vërtetë ka dy arsye themelore pse ai i ka dhënë vetës këtë rol. E para është frika e Ramës për tu përballur me artistët. Këto kohë i është shmangur në maksimum dhe ka përdorur të gjithë ushtarët e tij, sigurisht me në krye Veliajn dhe Kumbaron.

Dhe arsyeja tjetër sigurisht që ka të bëjë me aferën, klientin e përbashkët që do të marrë tenderin e kullave dhe sigurisht me ndarjen e fitimeve, që llogariten në qindra milionë euro.

Ndaj Veliaj duhet ndalur në këtë protagonizëm absurd. Atij i duhet kërkuar llogari vetëm për një gjë: Pse e ka lënë Tiranën si kryeqytetin e vetëm në Evropë që nuk ka një teatër të vetin?

Aktorët, publiku, media dhe opozita duhet të bëjnë kryebashkiakun të japë llogari për këtë. Për Teatrin Kombëtar dhe gjëmën që po i përgatit qeveria duhet të japë llogari vetëm Edi Rama sepse e tij është përgjegjësia dhe vepra kriminale. /55news.al/