Gjithçka po ndodh sot në Prokurorinë e Përgjithshme të vendit, është një plan i mirë-zbatuar dhe i mirë-përgatitur nga ana e qeverisë dhe kryerilindasit Edi Rama.

Arta Marku dhe e zgjedhura e saj në Prokurorinë e Krimeve të Rënda, Donika Prela, janë duke zbatuar me përpikmëri gjithçka që ka urdhëruar Edi Rama, më synimin e qartë për ta destabilizuar në pikën më të rëndë vendin dhe për të cenuar sigurinë kombëtare.

Edi Rama e ka synim të qartë shkatërrimin e vendit dhe dobësimin e tij në maksimum, për të përmbushur kështu jo vetëm synimin e tij për të mbajtur pushtetin me çdo kusht dhe me çdo armë të mundshme, por edhe për të zbatuar ‘porositë’ e miqve të tij rajonalë, Vuçic dhe Erdogan.

Prokuroria e Përgjithshme në zallamahinë që është sot është një rrezik shumë i madh, jo vetëm për Shqipërinë, por edhe për shqiptarët në rajon.

Ndodhemi në një moment kyç me diskutimet Kosovë-Serbi dhe me referendumin në Maqedoni dhe Rama këtë ka parasysh kur thotë që është ‘moment historik’.

Ai kërkon t’i bëjë kombit shqiptar atë që nuk ia kanë bërë përgjatë shekujve asnjë prej armiqve të tij.

Me situatën e krijuar në Prokurori, Rama po vë në zbatim planin e tij ogurzi për të futur Shqipërinë në një kaos të vërtetë në drejtim të sigurisë. Vetëm ndalja e tij dhe zbatuesve të planeve të tij është emergjencë kombëtare. Rama duhet shporrur para se të jetë tepër vonë.