Mbrëmjen e sotme, ministri i ri i Brendshëm Sandë Lleshaj u betua para presidentit të republikës. Llesha dëgjoi formulën formale, hodhi një firmë në kartë dhe ktheu një gotë ceremoniale. Doli nga selia e presidentit në një situatë aspak të qetë e ku policia është përplasur me popullin. Ndërsa prokurorja Arta Marku u betua para një viti në një seancë të ngjyrosur e jo të qetë parlamentare, Lleshaj e ka zgjeruar zymtësinë e betimit në hapësirën e gjithë kryeqytetit. Protestat kanë nisur fiks kur Lleshaj u propozua për ministër e filloi punë si zëvendësministër.

Kësisoj, ky betim i Lleshajt ishte i ngjashëm me atë të kryeprokurores, e cila në një vit drejtimi të organit të akuzës nuk duket veçse një ministër i qeverisë “Rama”, me të vetmin dallim se nuk është pjesë e emisioneve agjitative të ERTV-së.