Nostalgjikët do të thoshin sot se panë të zhvendosur në kohë lëvizjet studentore të dhjetorit 1990. Tirana u zgjua me studentë të universiteteve të ndryshme të kryeqytetit të mbledhur grupe grupe dhe duke marshuar në rrugë.
Synimi i tyre ishte ti tregonin në radhë të parë Ministres së arsimit Lindita Nikolla se ata nuk janë organizata e FRESSH që e duartroket në takimet me studentët, dhe në radhë të dytë Kryeministrit Edi Rama që këta që ai i quan ngelësa të bëjnë gjëmën.
Kërkesat sa legjitime dhe të menjëhershme për tu zbatuar nga ana e qeverisë ishin edhe një goditje e arrogancës, mendjemadhësisë dhe hajdutërisë së kësaj qeverie.
Edi Rama nuk do ta besonte atë që ndodhi sot. I mësuar me Fressh-istët që Fuga ia mbledh me njoftime whatsappi, Rama me arrogancën që e karakterizon i quajti studentët ngelsa.
Por, edhe pasi studentët i “fikën dritat”, sërish arroganca e gërryen përbrenda.
Ai ka shpallur gjendje alarmi dhe gatishmërie në “Rilindje”, po përdor Spiropalët për ti dërguar në studio televizive dhe të thonë që kjo e sotmja ishte një ditë normale e shqiptarëve dhe qeverisë.
Sipas Spiropalëve, e gjitha kjo ndodhi rastësisht.
Sipas Spiropalëve, studentët po përdoren politikisht.
Sipas Spiropalëve, studentët janë të kënaqur me të gjitha investimet 3D që Rama i shet si projekte të realizuara.
Prap do dëgjoni në studio nga Spiropalët, “situata ka ardhur për shkak se fajin e ka qeveria e Saliut”.Po, po! Qeveria e Saliut do këmbëngulin Spiropalët, në studiot televizive, pavarësisht se kjo qeveri ka 6 vjet e 5 muaj që qeveris Shqipërinë.
Edhe me tepsinë të gjithën për vete./ REDAKSIONALE