Në emisionin e mbrëmshëm të Ylli Rakipit, në të Paekspozuar, ditën dokumente që hidhnin në erë projektin e Unazës së Madhe, për të cilën Edi Rama dhe Erion Veliaj po nxjerrin në mes të rrugëve dhjetëra familje dhe nga ana tjetër, po vidhen miliona euro.

Kompania Dunëell Haberman (kompania mëmë e DH Albania) e cila është fituese e lotit të parë prej 18 milionë euro për rindërtimin e Unazës së Madhe, ka depozituar në Qendrën Kombëtare të Biznesit në Shqipëri, një letër nga Sekretari i Shtetit të Delaware, Jeffrey Bullock, për të vërtetuar se kompania është themeluar në vitin 1998.

Të Paekspozuarit”, ka zbuluar se ky dokument është i falsifikuar.

Kjo do të thotë se e gjithë tenderi ka qenë në shkelje të rëndë të ligjit, dhe për këtë Arta Marku duhet të nisë hetimet.

Edhe pse ditën e sotme, ARRSH, doli në një njoftim për mediat, duke thënë se është anuluar loti i parë i ndërtimit të Unazës së Madhe, për shkak të investigimit të emisionit, kryeprokurorja duhet të nisë hetimin, madje dhe duke kërkuar arrestimin e kreut të këtij institucionit.

Është e turpshme, sesi mund të lejohet që paratë e takave tona të vidhen, e ndërsa shqiptarët që kanë dhënë djersën e ballit për të ndërtuar shtëpitë, nuk marrin dëmshpërblim.

Nëse Arta Marku, nuk do të nisë hetimet, atëherë të gjithë shqiptarëve u lindë e drejta për të thënë se ajo jo vetëm ka pasur dijen për këtë aferë skandaloze korrupsoni, por edhe është e përfshirë.