Nga Romeo Gurakuqi
Ceshtja themelore qe shtrohet per t’u diskutuar lidhur me Ligjin e Arsimit te Larte para se gjitha eshte : A duam zgjidhje teresore, qe do i sherbeje te ardhmes se universiteteve tona, apo te bejme disa makiazhe sa per te kaluar radhen? Jam kunder nderhyrjeve pjesore, per kenaqjen e interesave individuale te kastave mekatare ne universitete dhe ne politike.
Per te realizuar hartimin e nje drafti te ri duhet te kuptojme se:
1. deformuesit e sistemit nuk mund te jene njekohesisht edhe rregulluesit dhe shpetimtaret e Universitetit nga kaosi.
2. deformimi i ligjit te sistemit te arsimit te larte ne Shqiperi eshte vetem nje pjesez nga nderhyrjet irracionale, qe ekzekutivi i PS ka ndermarre ne 6 vite ne strukturat shteterore, te cilat e kane futur shtetin dhe shoqerine ne nje krize totale.
3. zgjidhja nuk mund te realizohet nga personazhe rastesore dhe te “pafajshme”, te perfshira ne krye te puneve te sektorit arsimor, nga perpjekjet e “bojaxhiut” rilindas per te ndertuar fasadat, qe fshehin thelbin e pushtetit te tij korrupsionist dhe klientelist.
4. Kerkohet nje garanci politike per te ndertuar nje road map te korigjimit te afert dhe perspektiv te kuadrit ligjor. Me kete nenkuptoj, zgjidhjen e krizes imediate dhe fillimin e menjehershem te punes, ne menyre qe ne fund te korrikut se paku, Universitetet te kene nje akt te ri rregullator. Kete garanci politike nuk mund ta jape PS dhe qeveria e saj dhe aq me pak perfaqesuesit e “rilindjes”, te kooptuarit ne radhet e tyre, qe nuk kane asnje lidhje me universitetin.
Studentet dhe profesorati qe deshiron nje universitet ndryshe, nuk besoj se pranojne nje farse te radhes, e cila do i leje problemet aty ku ishin, ne vorbullen e rrethuar me mediokritet, taraf, hajduteri dhe pushtet force te komanduesve te derisotem te shkollave te larta shqiptare.
Eshte koha per nje nderhyrje thelbesore dhe teresore, te cilen mund ta bejne vetem disa individe ne kete vend, me karakteristika te posacme dhe me mundesi intelektuale dhe profesionale te “leximit” te rremujes institucionale ku ndodhemi. Universiteti eshte vetem nje sfere e kesaj nderhyrjeje dhe e ketij korigjimi, qe duhet te ndodhe ne kete mes dimri te gjate ne Shqiperine e varfer dhe te c’akorduar.
