Nga Agron Gjekmarkaj –
Dita e Enjte mbledh gjithë qelbin e javes kudo neper Shqiperi dhe e derdh pa meshirë por meritueshem mbi fytyren tonë ! Ti pret një selfie me syte e bukur të një dite pranvere per të marrë atë energji që afron natyra me shkelqimin e saj por ajo nuk mberrin kurrë ! Vend i një mijë bukurive me njerëz që e urrejnë të bukuren pat thënë agut të kohes me ofshame Faik Konica “mesuesi” i Kryeministrit ! Dielli shndrit e pak po nxeh si në epos por askush se ka mendjen aty tek sheh një parlament gjysmagjel te rrethuar me policë e perballë tyre mijera protestues të Opozites tanimë jashtë tij perfundimisht ! Një krize e pazakonte ka mberthyer politiken e cila dite pas dite po shnderrohet në sinozit kronik brenda kokave të qyterave. Edi Rames nuk ka kush ti flasë !
Në PS dhe në “Rilindje” nuk paska bir a bijë nënë ti thotë atij “ndalu more se ke luajtur nga fiqiri”! Ministrat, deputetet, dinjitaret, veteranet kanë fshehur ballin mes vesheve të ngritur e vetullave të harkuara nga ankthi e nuk bëzajnë ! Shoqeria është thyer ne mes! Askush nuk po flet shoferit makina e te cilit po rreshqet ne humnerë e per të cilen na thuhet , plasni sytë se kjo është parajsa! Reagimet, protestat zënë njëra tjetren ! Një vit pa u ndalur, artistet vigjelojnë për të ruajtur teatrin e cili do te shembej për të ndertuar klientet e qeverisë nja shtatë kulla te larta qamet! Prej katër a pesë muajsh banoret e unazes së re janë në barrikadë për të mbrojtur shtepitë e tyre !
Fytyra e qeverisjes aty tejkaloi edhe fantazinë. Një prej skandaleve më te medha u zbulua duke shenuar një rekord boteror babëzie, 20 milion euro për një kilometer rrugë ! Dy muaj e gjysem mbushen rruget dhe “pushtuan” fakultetet, studentet të cileve u tund në fytyrë të ashtuquajturin “Pakt për Universitetin” një dallmaç ky propagande që e ka tejkaluar edhe vetë projeksionin e “Rilindjes” në të genjyer pa turp, me shpejtësi dhe kurajo! Prej një muaji Opozita ka djegur mandatet e deputetve të saj dhe kesisoj gjysma e popullit nuk është me i perfaqesuar !
Dy demonstrata të medha kanë zënë faqet dhe ekranet e mediave kryesore te botes ! Shteti mbi ta ka hedhur gazlotsjelles dhe kjo lënde kimike është karakteristika e mandatit të dytë të Edi Rames! Në Lushnje dje mijera fermere derdhen qumshtin me të cilin jetojnë se nuk dinë ku ta çojnë sepse represioni fiscal ndaj tyre është mbytes ! Presidenti i Republikes nga Pogradeci bëri një deklaratë tronditëse dhe të pazakonte me disa lexime ! Në skajet e asaj që tha shquhen dy gjera që bëjnë me teper pershtypje ! Mundesia e dorheqjes dhe krahasimi me Salvador Alliende Presidentin qe u vra në pallatin Moneda te Santiagos teksa Pinoçeti po kryente grushtin e shtetit duke nenkuptur se po vendoset një junte e cila qeveris me police ! Sa do jetë gezuar Edi Rama nga krahasimi por edhe merzitur gazep nga mesazhi i koduar që ka marrë.
Ajo çka tha Ilir Meta u mor nga mbi 180 agjensi boterore bashkë me pikpyetjet perkatese mbi mungesen e normalitetit demokratik ! Protestuesit e kesaj dite bojatisen me te kuqe , “gjaku i deshmorve”siç thuhej rendom gjatë regjimit të kaluar deputetet e “opozites se re” të cilet ne fakt Edi Rama po i bojatis me te zezen e turpit ! Ky grup qe duartrokitet çdo ditë nga mazhoranca është treguesi që nuk le medyshje i korrupsionit etik e jo vetem të ulur këmbekryq mes nesh ! Cfarë mjerimi “opozita e re” ! Boja në xhaketat e tyre deshmon sa e perfaqësojnë ata opoziten e vertete!
Një dosje me përgjime i ka treguar botes sa e goditur në legjitimitet është kjo qeveri ! Prokuroria tanimë mashë në duart e Kryeministrit bën presion mbi Kryetarin e Opozites Lulzim Basha ! Gjykata kushtetuese nuk ekziston më. Mbi të tjerat ka rënë po ashtu damllaja ! E vetmja industri që sot punon në vend është policia e cila administron jeten e perditshme nga njëra proteste në tjetren të një populli që iken nga sytë këmbet ! Zgjedhjet lokale rrezikojnë të mos bëhen ! Kjo është panorama e një vendi për te cilin Kryeministri kerkon ti hape muze rakie e vere per ta dehur ende më ! Te dehurit duhet të duartrokasin “normalitetin” e një vendi që po çmendet sepse një burrë është lidhur pas karrikes së Kryeministrit të cilen e merr me vete edhe kur fshihet. Ipeshkvi Vinçenso Paglia kreu i Shën Exhidios së Romes një personazh i veshur me mister i njohur per misionet e tij te veshtira kudo qe ka kriza erdhi në Tiranë ! Takoi Meten, Bashen, Berishen dhe Erjon Veliajn ! Kohë më parë mbi 23 vjet pat nxitur marrveshjen Milosheviç-Rugova per arsimin, largimin e Rugoves nga Prishtina gjatë luftes, marrveshjen Nano-Berisha etj ! Ndoshta , Vatikani I cili Skenderbeun e parë e kishte shume për zemer dhe e therriste “atlet i Krishtit” po perpiqet në këtë moment që edhe Skenderbeun e ri ta sjellë në fe nepermjet “ekzorcistit” që zgjidh krizat !
Panorama.com.al
