Në historinë e Shqipërisë ka pasur gjithmonë dy palë. Njëra palë e atyre që mbushin malet për të luftuar për liri, zhvillim dhe rrugëtim të vendit drejt vendeve më të demokratizuara të botës. “Për Shqipërinë dielli lind nga perëndon”, thoshte Naim Frashëri.

Dhe pala tjetër, ajo kundër ithtarëve të lirisë dhe zhvillimit të vendit kanë qenë ata që gjithmonë me flamuj të rreckosur kanë dalë me thirrje si ato të Haxhi Qamilit  “Poshtë shkaba, rroftë baba”.

Por çfarë është duke ndodhur pikërisht këto ditë në Shqipëri. Kemi një palë, atë të opozitës, e cila është rreshtuar e gjitha në krah të vlerave më të mëdha demokratike, lirisë, zgjedhjeve, barazisë, kundër vjedhjes dhe bandave kriminale. Një rreshtim i denjë në luftën shekullore të shqiptarëve drejt Perëndimit.

Nga ana tjetër kemi Edi Ramën dhe grupin e tij kriminal. Hajdut të shkallës më të lartë të mundshme. Njerëz që po e largojnë Shqipërinë nga vlerat perëndimore më shumë se kushdo në historinë tonë pak më shumë se 100-vjeccare.

Rama na paskësh deklaruar mbrëmë se ai nuk i konsideron fare përgjimet e fundit. “Nuk pyes për përgjimet e gjermanëve”, lë të kuptosh Kryeministri ynë kryebandit.

Sigurisht që ky njeri as nuk do t’ia dijë për përgjimet e gjermanëve pasi atij e vetmja gjë që i ka interesuar ka qenë mbështetja e Erdoganit, Vuçiçit apo e Putinit.

Rama gjithnjë ka tentuar dhe gjithmonë vazhdon të tentojë për t’i dhënë një tjetër kurs vendit. Ta rikthejë drejt lindjes, atje ku atij i qan zemra. Dhe të përmbushë kështu edhe amanetin e paraardhësve të tij.

Ndaj edhe Edi Rama e ka rrethuar veten me ithtarë të serbëve. Të mos harrojmë se dy këshilltarët kryesorë të Haxhi Qamilit, një major dhe një kolonel, ishin serbë.

Ndaj edhe Rama po na duket se ardhja e dytë e Haxhi Qamilit. Dhe na ka rikthyer atë betejën e famshme që përmendëm në fillim të këtij shkrimi. Se kush ka triumfuar ne i dimë! Ithtarët e botës së lirë dhe perëndimit sot janë në altarin e kombit, të tjerët në mbetjet e historisë. REDAKSIONALE