Presidenti i Republikës Ilir Meta, ka shpjeguar nëpërmjet një konference të jashtëzakonshme për shtyp pak minuta më parë vendimin e tij për të shtyrë zgjedhjet lokale. Një akt historik i cili tregon edhe një herë pozicionimin e Metës prej një shtetari serioz i cili reagoi në kohën, momentin e duhur kur vendi po tërhiqej zvarrë drejt një konflikti.

Me këtë vendim Meta ndaloi pushkatimin e pluralizmit, duke mos lejuar zhvillimin e ca palo zgjedhjeve që Rama mezi po priste që t’i bënte. Meta e ndaloi Ramën në objektivin e tij për ta vrarë demokracinë që të ndërtonte në këtë vend një sistem për të vijuar vjedhjet me bandën e tij qeverisëse.

Disa herë Presidenti Meta ka  bërë thirrje të gjitha palëve, sidomos Ramës dhe mënyrës arrogante dhe kriminale që ai vepron, për të hequr dorë nga istikami i çuarjes së vendit në një humnerë për të ardhmen. Por kurrsesi në pluralizëm nuk mund të pranoheshin votime dhe jo zgjedhje.

Ndaj ajo që Presidenti bëri është një shërbim i madh për kombin!