Me deklaratat e sotme, kur sqaroi se pse e mori vendimin e fortë për çdekretimin e zgjedhjeve të 30 qershorit, Presidenti i Republikës përdori argumente serioze, që në fakt janë përdorur edhe nga ndërkombëtarët ditëve të fundit.

Parimet e pluralizmit, demokracisë dhe zgjedhjeve të lira dhe të ndershme janë baza e sistemeve politike në botën perëndimore.

Ilir Meta tha se Presidenti ka detyrimin të ndërhyjë kur cenohen parimet kushtetuese për sa i përket zgjedhjeve.

Sipas Metës partitë politike nuk kanë shprehur se nuk marrin pjesë në zgjedhje, por kanë ngritur dyshimin se zgjedhjet e planifikuara më 30 qershor nuk do të jenë të lira dhe të zgjedhjeve. Këto parti duan të marrin pjesë në zgjedhje në konkurrim të lirë me rregulla të përcaktuara ligjore. Është detyrim i qeverisë ta mundësojë këtë. Nëse ky detyrim kushtetues nuk përmbushet, atëherë i vetmi autoritet që ndërhyn është Presidenti i Republikës.

Kujtojmë se ditën e djeshme ishte nënkryetari i grupit parlamentar të Unionit CDU/CSU në Bundestag, Johann Wadephul i cili është shprehur se pas vendimit të presidentit, ekziston një situatë e re politike dhe të gjitha palët tani duhet të kërkojnë rrugën e pajtimit.