Këshilli i Europës ka anuluar misionin vëzhgues në Shqipëri për shkak të paqartësive në procesion zgjedhor. Në njoftimin e Këshillit të Europës thuhet se misioni vëzhgues nuk do të vijë në Shqipëri edhe prej risqeve që mund të vijnë prej mungesës së sigurisë në zona të caktuara.
Të njëjtën gjë e konfirmoi edhe Katya Andrusz, Zëdhënësja e OSBE/ODIHR . Në një komunikim me “Neës 24”, pas e-mail-it të dërguar nga Këshilli i Europës ku bëhej i ditur vendimit për anulimin e misionit të vëzhguesve, Andrusz tha se janë informuar nga KiE se ata nuk do të vëzhgojnë zgjedhjet e ardhshme.
“Mund të konfirmoj se jemi informuar nga KiE se ata nuk do të vëzhgojnë zgjedhjet e ardhshme në Shqipëri. Për më shumë detaje ju duhet të kontaktoni me ta direkt”, shkruan Zëdhënësja e OSBE/ODIHR.
Ky vendim është një goditje e rënëdë për zgjedhjet moniste që po përgatitet të zhvillojë Rilindja pa kandidatë alternativë. Pavarësisht se KiE ka gjetur një justifikim për ti ruajtur faqen qeverisë, duke thënë se disa zona janë të pasigurta, kur ata marrin pjesë edhe në monitorimin e zgjedhjeve në vende që janë në luftë, si psh në Shqipërinë e vitit ’97, vendimi i tyre e dërrmon legjitimitetin e këtyre votimeve.
Kjo ka bërë që një për një kohë të gjatë përfaqësuesit e qeverisë që janë informuar më përpara për këtë vendim të mbeteshin pa tekst dhe të mos bënin asnjë deklaratë publike.
Në të kundërt, opozita ashtu sikurse pritej ka thërritur fitore. Lulzim Basha në një deklaratë për shtyp nga selia e Partisë Demokratike deklaroi se tërheqja e Këshillit të Europës është sinjali i parë që 30 qershori nuk është i ligjshëm. ‘Sot bota perëndimore dha sinjalin e parë, të qartë dhe të prerë, se 30 Qershori nuk është ditë zgjedhjesh në Shqipëri. Vendimi i Kongresit të Autoriteteve Rajonale e Lokale të Këshillit të Europës për të anuluar dërgimin e Delegacionit Vëzhgues për farsën elektorale që po tenton të zhvillojë Edi Rama, është fakt kuptimplotë se në 30 Qershor nuk ka zgjedhje në Shqipëri. Për herë të parë nga rënia e komunizmit, Këshilli i Europës ka vendosur të mos dërgojë Delegacion Vëzhgues për zgjedhjet, pavarësisht ftesës që i ka bërë Qeveria shqiptare. Këtë vendim Këshilli i Europës e ka marrë jo sepse ia ka kërkuar opozita, por sepse 30 Qershori nuk është ligjërisht ditë zgjedhjesh në Shqipëri” deklaroi ai.
