Rrjeti i njohur televiziv ndërkombëtar, Al Jazeera raporton se presidenti Ilir Meta zgjodhi 13 tetorin për zgjedhjet lokale, pasi kjo datë vjen pak përpara se Bashkimi Europian të vendosë për nisjen ose jo të negociatave.

“Presidenti Ilir Meta tha të enjten se votimet do të mbahen më 13 tetor, pasi kishte lajmëruar më parë se do të anulonte votimet e kësaj jave për shkak të bojkotit të opozitës.

Meta u tha reporterëve se qëllimi i zgjedhjeve të reja ishte që t’u jepej një mesazh partnerëve europianë.

Kjo datë është pak ditë përpara se Bashkimi Europian të vendosë nëse do të nisë negociatat e plota të anëtarësimit me Shqipërinë.

Në fillim të qershorit, Meta tha për Al Jazeera-n se nëse kriza vazhdon, shanset për t’u bashkuar me BE-në do të minohen për vite, jo për muaj”.

Ndërkohë Al Jazeera thekson se kryeministri Edi Rama megjithatë ka insistuar që zgjedhjet të mbahen siç është planifikuar.