Dy ditë më parë, OSBE/ODHIR nxorri raportin përfundimtar lidhur me zgjedhjet e 30 Qershorit në Shqipëri. Sipas këtij raporti, zgjedhjet në vend janë shoqëruar edhe me shkelje sa i’u përket të drejtave të votuesve duke cituar se ata kanë pasur presione për të marrë pjesë në votime, dhe se zgjedhjet janë zhvilluar në një situatë ngërçi dhe polarizimi politik, duke bërë thirrje ndaj palëve poltike për dialog.
Ndërsa ditën e sotme, ministri i Punëve të Jashtme dhe Europës, Genc Cakaj në një dalje për mediat, ka folur për këtë raport, duke përmendur në veçanti vetëm pikat ku OSBE ka folur për opozitën.

Ministri, që është gjithandej zëvendës i Edi Ramës edhe sot doli ne ketë rol, është shprehur se raporti është më shumë kritik për opozitën dhe se paporti e konsideron sjelljen e PD-së dhe LSI-së ndaj godinës së kryeministrisë, të dhunshme.

Cakaj e cilëson procesin zgjedhor në Shqipëri të rregullt dhe demokratik. Sipas ministrit, zgjedhjet e 30 qershorit, nuk kanë qënë vetëm zgjedhje demokratike, por vendosje e një shembulli të pakthyeshme.

Gjithashtu, Cakaj ka thënë se pjesëmarrja e 30 qershorit është më e lartë se në zgjedhjet vendore të vitit 2015.

“Deri në këtë pikë opozita, kryesisht PD dhe LSI, kanë qenë të angazhuara në keqinformim të faktorëve ndërkombëtarë për zhvillimit e brendshme dhe tani ka një përdorim të referencave kombëtare për konsum të brendshëm. Ky raport është më shumë kritik për opozitën sesa degjelitimim i qasjes qeverisë në përgjithësi apo i procesit zgjedhor.”. Raporti e konsideron sjelljen e PD-së dhe LSI-së ndaj godinës së kryeministrisë, të dhunshme. Duhet një rifillim i një dialogu politik.”

Gjithashtu, Cakaj ka thënë se nuk i takon atij të interpretoj deklarata politike.