Nga Fahri Balliu

Përveç shterpësisë intelektuale dhe paaftësisë  për të gjeneruar projekte dhe fantazi në menaxhimin e Bashkisë, Erion Veliaj, ka ndërtuar një aferë financiare për veten e tij dhe grupin me të ashtuquajturën iniciativë sovjetike të pyllëzimit të Tiranës.

Kronikat e lodhshme, të mërzitshme,  deri në qesharake të tij, me paraqitjet skematike në ekran nuk thonë gjënë më themelore. Ku blihen këto pemë që ky mbjell? Sa kushtojnë dhe cili është plani i biznesit?

Trajtimi ekstremisht nën formën e një iniciative komuniste pa faturën e këtij “misioni” është një veprim mafioz.

Këtu nuk dalin firmat që i shesin këto pemë, nuk dalin çmimet dhe format e blerjes, nuk dalin as kriteret tenderuese.

Dhe ky për të gjitha fshihet pas mos përmendjes dhe mobilizimit ushtarak të fondeve që në themel kanë spekulimin financiar.

Nuk mundet pa faturën financiare të kemi iniciativë të ndershme dhe të vërtetë. Sigurisht Veliaj si nxënësi më i mirë i skemës së vjedhjes tradicionale të Ramës, i ka bërë të gjitha përpjekjet që të mbetet jashtë auditimit financiar, sepse marifeti i fitimit ndodhet jashtë Bashkisë.

Por autoriteti i tij si Kryetar Bashkie, është pronë e publikut.

Në këto kushte prokuroria, Kontrolli i Lartë i Shtetit dhe auditet e tjera publike duhet ta inspektojnë këtë pyll mafioz të Veliajt.

Dhe sigurisht, do të dali falsiteti i numrave, i shifrave, do të dali burimi dhe përfundimi i financave./55News.al/