Gjatë aktivitetit në Orikum për çeljen e sezonit turistik, ku i pranishëm ka qenë Kryeministri Rama dhe ministri Xhafaj, një surprizë u është bërë qeveritarëve nga të rinjtë e FRPD-së.
Të rinjtë e Forumit Rinor të Partisë Demokratike prej ditësh kanë bërë protesta të vazhdueshme ku kërkojnë dorëheqjen e ministrit të Brendshëm Fatmir Xhafaj.
Sot, përveç se në Tiranë ku protestuan para Ministrisë së Brendshme, ata protestuan edhe në Orikum, ku ndodhet kryeministri së bashku me ministrin në çeljen e sezonit turistik. Gjatë kohës që po fliste Xhafaj, të rinjtë e FRPD-së kanë ngritur një dron me një baner shkruhej: “Mjaft zgjodhi mafia dhe droga ministrat, të zgjedhë ndonjë dhe populli”.
Pas ngritjes së dronit, veprimi Garda e Republikës dhe policia është vënë në ndjekje të personave që ngritën dronin dhe protestuan. Raportohet se disa nga të rinjtë e FRPD-së u shoqëruan në komisariat.
