Kryeministri Edi Rama që para nisjes së fushatës vitin e shkuar, lançoi hapjen e kanalit të tij televiziv në Facebook “ERTV”. Që prej hapjes ERTV ka kapur nivele rekord ndjekësish në kohë reale. Shifra më e lartë ka arritur në 6700 ndjekës në kohën kur Rama kërkonte timonin e famshëm nëpër Shqipëri.
Ndikimi i kanalit të Kryeministrit “zilepsi” edhe drejtuesit e emisioneve që më shumë ndiqeshin në ERTV sesa në televizionet përkatëse.
Por duket se audienca e Ramës nuk është në ditët më të mira. Paraditja e sotme e provoi këtë fakt. Si asnjëherë më parë për më shumë se 30 minuta Kryeministri nuk e kaloi shifrën e 400 ndjekësve në ERTV Live.
Kryeministri njihet si një nga politikanët më aktivë në rrjetet sociale. Pak kohë më parë ai u përzgjodh në Top 10-shen e liderëve më aktivë në botë.
Siç duket “populli” virtual që ndjek Kryeministrin në Facebook është lodhur.
Presim cila do jetë “shpikja” e radhës për të rritur audiencën e Ramës në ERTV, që për hir të së vërtetës s’ka qenë kurrë kaq në ditë të hallit…
faxnews
