Tashmë dihet botërisht që Rama ia ka vënë syrin Teatrit Kombëtar për vitesh dhe nuk është një vendim i kohëve të fundit.
Edhe pse debati që e ka shoqëruar këtë çështje ka qenë i madh dhe është ndezur dhe rindezur shumë kohët e fundit Rama ka qëndruar në hije duke lënë të tijtë të merren me debatin.
Por në fakt shembja e godinës së Teatrit Kombëtar është një plan i hershëm i Ramës. Ai që kur ishte kryebashkiak pati tentativa për ta shembur në vitin 2002.
Zona ku ndodhet Teatri Kombëtar, ndodhet në atë që quhet si pjesa historike e Tiranës dhe në vitin 2000, qeveria e asaj kohe, e ka shpallur zonën monument kulture. Ky vendim nuk lejon ndërtimin në këtë zonë. (Zona përfshinë godinën e Teatrit dhe gjithë sipërfaqen përreth)
Por, në momentin që erdhi në pushtet, Rama vendosi ta shfuqizojë këtë vendim. Në mbledhjen e qeverisë të datës 12/4/2017, me firmën e zëvendëskryeministrit të asokohe, Niko Peleshi është miratuar vendimi që parashikon shfuqizimin e vendimit që e shpall këtë zonë Monument Kulture.
Ja vendimet:
