Në historinë shqiptare Gafur Mazreku njihet si i vetmi njeri që ka shkrehur një armë në ambientet e Parlamentit. Ishte viti 1997 kur Mazreku, deputet i Partisë Socialiste, qëlloi në drejtim të rivalit të tij demokrat, Azem Hajdari, duke e plagosur atë. Mazreku u denua me 8 vjet heqje lirie nga Gjykata e Apelit. Ndërkohe ai vuajti vetëm 5 vjet të dënimit pasi përfitoi nga tre amnisti.

Por sot ai dekorohet nga socialistët e këshillit bashkaik të Hasit. Ky është një provokim i rëndë dhe paralajmëron konflikte të ashpra politike por edhe revoltë qytetare. Gjithahstu një shkelje e hapur penale nga Këshilli Bashkiak i Hasit. Në nenin 256 të Kodit Penal “Shpërdorimi i kontributeve të dhëna nga shteti dënohet me gjobë ose me burgim gjer në tre vjet”.

E për këtë akt shpërdorimi  dhe provokimi duhet ta thonë fjalën e tyre Gjykata Kushtetuese, Gjykata e Lartë, Kuvendi i Shqipërisë, Prokuroria e Përgjithshme, Avokati i Popullit, Ministria e Mbrojtjes dhe Ministria e Brendshme apo edhe Shërbimi Informativ Shtetëror që ka përgjegjësi për sigurinë dhe stabilitetin në këtë vend.