Niveli i lartë i krimit të organizuar dhe korrupsionit në vendin tonë shton shpenzimet për sigurinë e brendshme. Kjo deklaratë është bërë nga Presidenti Ilir Meta, gjatë një tryeze të rrumbullakët; “Indeksi i Paqes 2018. Ç’mësojmë nga analiza e tij?”

“Prezenca e lartë e krimit të organizuar dhe korrupsionit në një vend do të thotë rritje të shpenzimeve për sigurinë e brendshme. Edukimi, kultura apo infrastruktura, fusha që nëse investohet vazhdimisht, përmirësojnë stabilitetin e një vendi dhe forcojnë paqen. Një vend në paqe është një vend me një rritje ekonomike të qëndrueshme, të vazhdueshme, me mirëqenie të lartë dhe me rritje të të ardhurave për frymë të popullsisë.  Mirëqenia është garancia më e madhe e paqes, varfëria mundësi konflikti dhe pabarazia ekonomike në rritje është rreziku më i madh i paqes”, u shpreh Meta.

Sipas Metës një element tjetër shumë i rëndësishëm, për të zhvilluar e forcuar paqen, është lufta kundër krimit dhe korrupsionit.

Kryetari i shtetit tha se mungesa besimit për të ardhmen, shkollimi i pjesshëm dhe i përciptë  shkaktojnë trauma, probleme e përplasje sociale e më pak paqe, mirëqenie e stabilitet.

Aktiviteti i organizuar nga Qendra Evropiane e Shkencës për Paqe, Integrim dhe Bashkëpunim (CESPIC), prezantoi raportin për Paqen Globale.

Relatori kryesor, themeluesi i Institutit të Ekonomisë dhe Paqes, Steve Killelea, dy herë kandidat për çmimin Nobel për Paqen.