Deputeti demokrat Oerd Bylykbashi zbardhi disa nga kushtet që BE i shtoi qeverisë shqiptare për të hapur negociatat. Ai e nisi fjalën e tij në parlament me një ironi të shitjes nga ana e Ramës së lajmit të dështimit si një lajm të mirë për shqiptarët. “Edi Rama dhe qeveria e tij ngeli në provimin e maturës. BE i tha “Bravo, ulu 4. Hajde vitin tjetër”. Por rama nuk pranon kurrë. Ai ia hedh gjithmonë fajin të tjerëve” tha Bylykbashi.

Përsa i përket kushteve të reja ai evidentoi shtimin e fjalës “rrjetet e krimit” në kushtet për hapjen e negociatave.  “BE ia mbylli derën Shqipërisë edhe për një vit. Të luftohet trafikimi i kanabisit, të luftohet krimi, të luftohet korrupsioni galopant. BE na vendosi kushte të reja. BE thotë të luftojmë rrjetet e krimit të organizuar, nuk ka qënë më përpara e evidentuar” theksoi Bylykbashi.