Shefi i departamentit të Politikës së Jashtme në PD, Kreshnik Çollaku i ftuar në studion e SYRI.net tha se është e paprecedentë deklarata e Edi Ramës i cili flet për ‘hapje negociatash’.

Sipas Çollakut, Shqipëria ka një rrezik të madh përpara.

 ‘Sharlatanizëm i kthyer në institucion.

Është një turp i madh me një kosto të jashtëzakonshme në ecurinë e këtij procesi.

Realizimi i 13 kushteve shtesë dhe monitorimi strikt, duhet të fillojë nga vetëkorrigjimi.

Shqipëria ka një rrezik të madh strategjik përpara. Duhet ndërruar mënyra e komunikimit dhe sjelljes me qytetarët dhe opozitën.

Kushti i parë i shtuar nga BE, dhe ne si PD jemi mirënjohës, janë zgjedhjet. Pra një reformë zgjedhore e cila nuk mund të kryhet pa opozitën.

BE i ka vënë kusht të qartë Ramës, Zgjedhjet, të parakohshme apo normale është çështje tjetër, por kushti i parë i BE janë zgjedhjet, që do të thotë rrotacioni politik në vend.

Skenar propagandistik i papranueshëm.

Mbrëmë arritën të thonë se s’ka kushte fare. Ata po degradojnë çdo ditë. Edhe dekorimi i ambasadorëve ishte një shfaqje e turpshme publike’, tha Kreshnik Çollaku.