Në cilësinë e kreut të këshilltarëve demokratë në Bashkinë e Tiranës, Kreshnik Çollaku tha se halli i Kryeministrit nuk është Teatri por toka mbi të cilën është ngritur ai.

"Kushtetuta përcakton qartë se për çdo pronë publike, dhënia në përdorim, tjetërsimi apo dhurimi kalon vetëm me miratim të këshillit bashkiak me 3/5. Ata dështuan ti kishin këto vota në këshillin bashkiak prandaj u detyruan të bëjnë aktin antiligjor në parlament, një ligj antikushtetues që nuk ndodh në asnjë vend të botës. Nuk ka ligj që mund të anulojë Kushtetutën e vendit", tha Çollaku i ftuar në studion e SYRI.net.

"Në Mars 2017 DASH në raport për krimin në Ballkan, thotë qartë se ekonomia bazë në Shqipëri është pastrimi i parave të drogës. Ata kanë në plan të ndërtojnë 7 kulla vetëm te zona e Teatrit, dhe e gjitha kjo bëhet për pastrimin e organizuara të parave të ardhura nga trafiku ndërkombëtar i drogës." - theksoi Çollaku.

Ai shtoi se "pikërisht kjo e bën kauzën e opozitës të përbashkët me atë të aktorëve".

"Ne jemi të angazhuar në mbrojtjen e pronave publike të këtij qyteti. Ajo e aktorëve është betejë, kurse e opozitës është luftë."