Nuk është vënë re nga fjalimi i ditës së enjte i kryeministrit se midis rreshtave plot budallallëqe të tij, ndodhej edhe një kërcënim ndaj opozitës, i thurur me gjuhën tipike mafioze. Kodet mafioze të këtyre llojeve janë të formave “do ju rregullojmë”, “do ju sistemojmë”, “do ju dekorojmë”, etj.

Pjesë e kësaj gjuhe mafioze ka qenë edhe dikur Enver Hoxha teksa edhe shokët e vet i “dekoronte” duke i vrarë pas shpine. Ndër të tjera, Rama në fjalën e tij të datës 28 qershor 2018 deklaroi: “Qershori është hija që ju ndjek e do vazhdojë t’ju ndjekë nga pas. Ja, do vijë qershori tjetër, rrugës është dhe qershorin tjetër, një rrugë e dy punë, t’ju rregullojmë mirë siç e meritoni dhe të hymë në finalizimin e procesit, duke organizuar Konferencën Ndërqeveritare për Negociatat” (marrë nga fjalimi i zbardhur në faqen e kryeministrisë).

As më pak e as më shumë, ky është një kërcënim që i bëhet opozitës së vendit dhe drejtuesve të saj. Deklarimi i Ramës duhet të jetë në vëmendje të përfaqësuesve të BE-se dhe ambasadës së SHBA-së në Tiranë dhe nuk duhet anashkaluar. Produktet e një qeverie që po thërritet përditë e më shumë si narkoqeveri, e shohin opozitën pengesë serioze për realizimin e aspiratave të tyre.