Kryetari i Partisë Republikane, deputeti Fatmir Mediu, ka mbajtur një fjalë në punimet e Asamblesë Parlamentare të OSBE-së, e cila u mbajt në Bundestagun gjerman

Duke folur në emër të opozitës Mediu e cilësoi Shqipërinë si një rast unik në Evropë që nuk ka Gjykatë Kushtetuese apo me një Gjykatë të Lartë të bllokuar, duke përmendur si shembull Amerikën, vend në të cilin zhvillohet debat se kush duhet të jetë anëtar i Gjykatës së Lartë kur në Shqipëri kjo Gjykatë nuk funksionon fare.

“Ne nuk mund të vazhdojmë kështu. Duhet te ulemi dhe te ndryshojmë këtë situate për të pasur një pushtet gjyqësor të pavarur dhe funksional. NATO dhe BE janë padyshim rruga e vetme e Ballkanit për prosperitet dhe demokraci te qëndrueshme kushtetuese”, theksoi ai

Deputeti Mediu u shpreh se garantimin e te drejtave te qytetareve e siguron një gjyqësor i pavarur. “Shqipëria u përfshi në një proces te reformës ne drejtësi për te luftuar korrupsionin dhe garantuar pavarësinë e tij. Te gjithë ranë dakord dhe e vlerësuan si te domosdoshme, por ajo qe është e domosdoshme është implementimi i drejte i saj. Sot ne jemi ne mungese te plote te Gjykatës Kushtetuese dhe bllokim te Gjykatës Larte, dhe mund te përfundojmë ne mosfunksionimin e Gjykatave te tjera”, tha ai.